Սկլերոթերապիա Երևանում. անցավ և մատչելի
Սկլերոթերապիան, դա հատուկ նյութի՝ սկլերոզանտի ներարկումն է երակի լուսանցքի մեջ , որն ազդելով երակի ներքին շերտի՝ ինտիմայի վրա , հանգեցնում է դրա վնասմանը, որին հաջորդում է պատերի սոսնձումը և երակը վերածվում շարակցահյուսվածքային լարի։
Սկլերոզանտի ազդեցությունից հետո 2-6 ամսվա ընթացքում ձևավորվում է շարակցական հյուսվածքի բարակ լար, այնուհետև այն ենթարկվում է ռեզորբցիայի և ամբողջովին անհետանում է միջինում 4-6 ամիսների ընթացքում՝ կախված երակի տրամաչափից։ Այդ ընթացքում երակի տեղում երևում է շագանակագույն պիգմենտացիա, որը ժամանակավոր է և նույնպես անհայտանում է միջինում 4-6 ամիսների ընթացքում՝ դարձյալ կախված տրամաչափից։ Սա շատ թեթև և հրաշալի էսթետիկ արդյունք ապահովող պրոցեդուրա է։ Շատ դեպքերում , եթե վարիկոզ հիվանդությունը շատ արտահայտված չէ, կարելի է նույնիսկ սկլերոթերապիան իրականացնել ավելի արտահայտիչ և խոշոր անոթների դեպքում և խուսափել վիրահատությունից, սակայն այս դեպքերը ընտրվում են ֆլեբոլոգի կողմից, մանրամասն իրականացված դուպլեքս հետազոտությունից հետո։
Սկլերոթերապիան սովորաբար իրականացվում է մի քանի փուլով, որպեսզի խուսափեն դեղամիջոցի չափից մեծ դոզայից և կողմնակի ազդեցությունների զարգացումից։ Այսպիսով, մեկ սեանսում միջինում կատարվում է 3-ից 10-15 ներարկում (ավելի շատ քանակով սարդոստայնանման երակների դեպքում և ավելի քիչ՝ հաստ վարիկոզ երակների դեպքում), հետևաբար, որքան ավելի արտահայտված է հիվանդությունը, այնքան երկար է բուժումը (միջինում առնվազն 3-4 սեանս), իսկ հետագայում՝ երբեմն կարիք է լինում կատարել նաև շտկումներ՝ հատկապես բարդ տիպի և տարածված մազանոթային ցանցերի դեպքում։ Սեանսների միջև ընդմիջումը առնվազն 7 օր է:
Պուլս.Մեդ Բժշկական կենտրոնում սկլերոթերապիան իրականացվում է նորագույն CLACS մեթոդով, ինչը նշանակում է Կրիոլազերային կրիոսկլերոթերապիա, որի դեպքում մինիմալի է հասցված կողմնակի երևույթները դեղորայքի ծախսը և անոթի ներծծման ժամկետները, քանզի այս նոր մեթոդի դեպքում անոթը սկզբում մշակվում է հատուկ լազերային սարքով, ինչի արդյունքում այն սպազմվում է ու նոր իրականացվում է ներարկումը։ Ի դեպ CLACS մեթոդը ամբողջ աշխարհում իրականացվում է արդեն 10-15 տարի, իսկ Հայաստանում՝ 6 տարի և միայն Պուլս.Մեդ ԲԿ-ում։ Կարևոր փաստ է, որ կլերոթերապիայի պրոցեդուրան իրականացվում է լիովին անցավ՝ ի շնիրհիվ սառը օդով ցավազրկման , որն իրականացվում է հատուկ Գերմանական սարքով։ Ֆլեբոլոգը կատարում է անհրաժեշտ քանակությամբ ներարկումներ լայնացած երակների մեջ, որից հետո , խոշոր մազանոթների դեպքում անմիջապես ոտքին է անցկացվում էլաստիկ տրիկոտաժը, իսկ մանրերի դեպքում դրա կարիքը չկա։ Պրոցեդուրայից հետո անհրաժեշտ է քայլել 30-40 րոպե։ Իսկ էլաստիկ տրիկոտաժը կրել 7-14 օր՝ կախված կոնկրետ դեպքից։
CLACS-ի պրոցեդուրայից 10-15 օր անց ֆլեբոլոգը գնահատում է արդյունքները կրկնակի խորհրդատվության ժամանակ և եթե դեռևս պահպանվում են մանր , մնացորդային մազանոթներ, ապա դրանք հեռացվում են առանձին լազերային պրոցեդուրայով, ինչի արդյունքում այդ անոթները խամրում են ու անհայտանում, երբեմն պահանջվում է նաև կորրեկցիա 1 ամսից։Լազերային պրոցեդուրան նույնպես ընթանում է անցավ։
Սկլերոթերապիայի 1 սեանսը արժե 50000 դրամ, որը հաճախ բավականացնում է 2 ոտքին միասին։ Լազերային պրոցեդուրան , որը տևում է 20ր , արժե 60000 դրամ։ Իսկ ընդհանուր արժեքը կախված է անոթների քանակից և տեսակից, պարզելու համար, թե որքան կարժենա ընդհանուր և որքան կտևի բուժումը, կարող եք գալ ֆլեբոլոգ Անի Աբովյանի մոտ՝ անվճար խորհրդատվության։
